Служба общая преподобным отцем Сергию и Никону, Радонежским и всея России чудотворцем

 НА ВЕЛИЦЕЙ ВЕЧЕРНИ

Блажен муж: 1-й антифон. На Господи, воззвах:
стихиры на 8, глас 6.

Подобен: Все отложше:

Мира мятеж, преподобие, оставив / и взем крест твой,/ последовал еси Христу невозвратным
помыслом,/ и в пустыню вселился еси, преподобие,/ душевныя страсти из корене исторгая/ и телесная чувства огорчевая,/ и частыми бдении и молитвами / благодать воспринял
еси, преподобие,/ целити различный недуги,/ Ангелов собеседниче и преподобных сожителю;/ молися Господу, Сергие преподобие, / помйловатися душам нашим.

Весь от юности Господу возложйлся еси,/ Никоне преподобие,/ земную красоту и славу в ничтоже вменив,/ Христа единаго возлюбил еси/и, Того крест на рамена взем,/ божественне вооружився,/ Лавры великаго Сергия достйгл еси,/ и от него посылаемь бывавши/ к духовному настоятелю Афанасию,/ и тамо желаемых тобою от него сподобляешися. / И ныне на Небесех со Ангелы Троице предстоя,/ Никоне отче наш,/моли спастйся душам нашим.

Преподобие отче,/ кто исповесть труды твоя и болезни?/ Или кий язык изречет жестокое твое житие, / бдение же и сухоядение / и еже на земли легание, / чистоту душевную и телесную, / устнами и умом совершенное безмолвие,/ смирение же нелицемерное, / молитвы непрестанный и разсуждение доброразеудное, / худость рйзную и память смертную?/ Сергие, отче наш,/ моли спастися душам нашим.

Страшное Христово пришествие/ в сердцы твоем приим, Никоне преподобие, / разумно мимотекущих жития уступил еси / и, славу маловременную презрев,/ молчание восприял еси:/ на земли бо мужески подвизался еси / и плоть потщался еси покорйти духу,/ душу же и ум от страстей очистив, / ревновал еси житию велйкаго Сергия. /С нимже ныне на небесех Престолу Владыки всех предстойши,/ со дерзновением моляся о душах наших.

Преподобие отче Сергие, / ты врач душ и телес явился еси, / источая недужным исцеления струй, / даром же пророчествия украшен,/ прорицая,яко настоящая, будущая,/ молитвою бо князя вооружив варвары победйти,/ хвалящийся отечество его разорите,/ но самех богопораженною язвою
трупия достойно падоша,/ псал омски, при аде, преподобие.

Преподобие отче Никоне,/ измлада возлюбив доброту Владычню/ и к Тому желание невозвратно имея, / отечество и род оставил еси; / богатство и славу возненавидев,/ Христу единому последовал еси;/ равноангельно во обители Пресвятый Троицы пожив,/ ограду монашествующим создал еси./ И ныне на Небесех со Ангелы Троице предстойши,/ Никоне преподобие,/ со дерзновением моляся о душах наших.

Богомудре Сергие,/ славу маловременную оставль,/ и в пустынях и горах ты живьш явился еси,/ и Троицы чистый дом, блаженне, был еси,/ Еяже силою пресвятыя храмы воздвиг, / и ограды монашествующим во спасение создал еси, / живяше же в тебе Христос Бог наш,/ Бгоже от юности возжелел еси./ Того моли, Сергие преподобие,/ спастися душам нашим.

Егда Божественное рачение найде на тя, блаженне Никоне, / тогда, мирская мудрования далече отринув,/ к Божественному Сергию притекл еси,/ и, от него наставляемь,/ посылаешися в
монастырь, Высокое нарицаемо,/ к того ученику Афанасию, / и тамо образа монашескаго и священства сподобляешися, / многим добродетели образ быв. / Темже молим тя: / моли, преподобие, спасти и просветити души наша.

Слава, глас 6: Еже по образу соблюдите невредимо, / ум владыку над страстьми пагубными постнически поставлыпе,/ во еже по подобию, яко мощно, возшлй есте,/ мужески бо естество понудивше,/ потщастеся хуждшее покорйти лучшему / и плоть поработити духу./ Темже монашествующих явйстеся верх,/ жителие пустыннии, благотекущих обучйтелие,/ правила добродетели известнейшая,/ и ныне на Небесех, зерцалом разрешишмся,/ отцы наши Сергие и Никоне,/ чисте зрите Святую Троицу,/ молящеся несредственне / о йже верою и любовию чтущих вас.

И ныне, Богорбдичен: Кто Тебе не ублажит,
Пресвятая Дево:

Вход. Прокимен дне. И чтения три преподобническая .

Никоне, / от нйхже святыню почерпаем обильно: / подают бо здравие/ с верою притекающим к честней твоей раце. / Темже, просвещшеся тобою, глаголем: / сподоби и нас славы Небесныя Христовы, блаженне,/ и твое стадо сохраняй/ и спаси души наша.

Слава, глас 8:

Преподобнии отцы, Сергие и Никоне,/ мира красоту и сладость временную отнюд возненавидели есте, / монашеское житие паче возлюбйсте, /Ангелов собеседницы быти сподобилися есте/ и светйлышцы многосветлии Российский земли,/ чудесы, якоже второе солнце, сияете. / Но всех нас поминайте, / совершающих священную память вашу в храме вашем,/ мы бо чада ваша и овцы словесных учений ваших/ и вас на помощь призываем,/ просяще вами прияти мир и велию
милость.

И ныне, Богородичен: Безневестная Дево:
На стиховне стихиры, глас 4.

Подобен: Яко добля:

Во Христа облекшеся,/ тлеемаго человека богомудренно совлекшеся, / тем, духовною благодатию присно просвещаеми, / яко звезды светлыя, / мирови просияли есте, Сергие и Никоне, / молитеся от тли и бед избавится/ верою совершающим присно честную память вашу.

Стих: Честна пред Господем/ смерть преподобных Его.

Чувственный страсти телесныя победил еси/ воздержания броздами, чудодейственне Сергие,/ и ревность к безплотным на земли показал еси,/ все же плотское желание духу повинул еси. / Тем и ныне, в Небесных дворех водворялся,/ моли о душах наших.

Стих: Блажен муж, бояйся Господа, / в заповедех
Его восхощет зело.

Послушания от сердца желая, мудре Никоне,/ мира и сущих в нем житейских отреклся еси./ И сего ради в Вышних со Ангелы Христу предстойши, / о всех моляся.

Слава, глас 8:

Монахов множества/ наставники ныне чтим вас, отцы преподобнии Сергие и Никоне,/ вами бо стезею войстинну правою ходйти познахом, / блажени есте,Христу работавший/ и вражию низложивший силу,/ Ангелов собеседницы, праведных сожителие и святых,/ с нймиже молйтеся Господеви/ помйловатися душам нашим.

И ныне, Богородичен:

Радуйся, чистоты сокровище;/ радуйся, Невещественнаго Света чистое жилище;/ радуйся, главйзно спасения нашего;/ радуйся, апостолов проповедание; / радуйся, мучеников похвале; / радуйся, пророков исполнение, Всенепорочная./ Радуйся, подвижников и монахов украшение/ и
спасение верных.

На благословении хлебов, аще не поеши малую вечерню,
тропарь преподобным отцем общий, глас 8: Яко трисрет-
лаго солнца: дважды и Богородице, Дево: единожды. Аще
поеши малую вечерню, тропари: преподобнаго Сергия,
глас 8: От юности восприял еси: и преподобнаго Никона,
глас 1: Послушания добрый рачитель быв: и Богородице,
Дево:

Тропарь общий
преподобным Сергию и Никону, глас 8:

Яко трисветлаго солнца светозарный звезды,/ Тройческим светом озаряете сердца верных,/ сосуди Света Пресвятыя Троицы явльшася,/ и преданным вашим житием иноком бысте твердии законоположйтелие / и церквам благолепие, и благоверным, и святителем, и всем люд ем, / вся бо демонския скверны отгнавше отсюду/ вашими чистыми учении и делы,/ добре упасосте стадо, собранное вами, / но и ныне молим вас: / посещайте чад своих, яко имущий дерзновение ко Святей Троице,/ Богомудре Сергие с чудным учеником своим Никоном, / и молите Христа Бога, да спасет души наша.

Тропарь преподобнаго Сергия, глас тойже:

От юности восприял еси Христа в души твоей, преподобие, / и паче всего вожделел еси мирскаго мятежа уклонйтися,/ мужески в пустыню вселился еси/ и чада послушания в ней, плоды смирения, возрастил еси./ Тем быв Троице вселение,/ чудесы твоими всех просветил еси, приходящих к те.бе верою,/ и исцеления всем подай обильно./ Отче наш Сергие, моли Христа Бога, да спасет души наша.

Тропарь преподобнаго Никона, глас 1:

Послушания добрый рачитель быв, / преподобие Никоне приснопамятне, / Церковь бо прекраену Святыя Троицы/ в похвалу отцу твоему воздвигл еси./ Темнее и мы, чада твоя, любовию вопием ти:/ слава Давшему ти крепость,/ слава
Венчавшему тя, / слава Действующему тобою всем
исцеления.

                                                       на Утрени

_у На Бог Господь: тропарь преподобных общий, глас 8: Яко трисветлаго солнца: таже преподобнаго

Сергия, глас тойже: От юности восприял еси: Слава, преподобнаго Никона, глас 1: Послушания добрый рачитель быв: И
ныне, Богородичен. По 1-м стихословии седален, глас 8.

Подобен: Поведенное тайно:

Отеческими молниями озарйвшеся,/ яко в рай красный ныне входяще, сладости потока
насладимся/ и, сих доблести ужасно сматряюще, поревнуим добродетелей преподобных отец наших

Сергия и Никона, Спасу взывающе: / молитвами их, Боже, Царствия Твоего причастники ны
сотвори.

Слава Отцу и Сыну и Святому Духу:

Начальника монашествующих Сергия согласно с Никоном мудрым вси воспойм и сих умолим, / яко
да Христу непрестанно молятся о нас, Божественную и всесветлую совершающих память их,/ в
песнех славяще Спаса и Господа.

И ныне, Богородичен:

Благодарим Тя, Приснодево, и величаем, Чистая,/ и покланяемся Ти, воспевающе рожде-
ство Твое, Благодатная, зовуще непрестанно:/ спаси нас, Дево Всемилостивая, яко Благая,/ и
демонскаго исхитй словопрения страшнаго в час испытания,/ да не посрамимся, рабй Твой.

По 2-м стихословии седален, глас 3.

Подобен: Красоте девства:

Яже к Богу мудрование горе имея, отче Сергие, / и яже на земли оставил еси, и, многими болезньми
светло твое житие изъяснив,/ всякия же Божественныя добродетели обитель показався,/ в мо-
литвах, и мольбах, и пощениих Господу приблйжился еси./ Моли Христа Бога спастйся душам
нашим.

Слава Отцу и Сыну и Святому Духу:

Монашеское житие от сердца, преподобие, возлюбив / и сего ради мир и яже в мире вознена-
видев, блаженне Никоне, /духовному твоему отцу послушанием искренним вдался еси./ С нимже
Господу молися спастйся всем нам.

И ныне, Богородичен:

Яко невозделана, Дево, лоза, прекрасный Грозд, Христа, возрастила еси,/ источающа нам вино

спасительное, всех веселящее души и телеса./ Темже, якр виновну Тя добрых ублажающе,/
присно со Ангелом вопием Ти:/ радуйся, Обрадованная.

И чтение тогоже преподобнаго Ефрема.

По полиелеи седален, глас 8.

Подобен: Премудрости:

Егда, блаженне, Божественному желанию ум твой вперив,/ тогда оставил еси вся долу влеку-
щая мудрования, / и, в пустыню вселйвся, яко крин процвел еси добродетели прекрасный,/ и, стра-
стей искоренив терние, в нем насадил еси плоды трудов твоих./ Темже и пожал еси рукояти,
неотъемлемо богатство на Небесех./ Сергие преподобие, моли Христа Бога согрешений оставле-
ние даровати/ чтущим любовию святую память твою.

Слава Отцу и Сыну и Святому Духу:
Мудрости измлада подобию навык / и сего ради вся, яже в мире, возненавидев, преподобие,/
Христа едйнаго возлюбил еси. / Отонудуже духовному твоему отц# всеконечно послушанию вдался
еси, / от негоже тояже обители пастырь пресдавно устрояешися, / и многим в добродетели образ быв: /
с нймже молйся Господу, Никоне преподобие,/ грехов оставление даровати чтущим любовию
святую память твою.

И ныне, Богородичен:

О Тебе радуется, Благодатная, всякая тварь,/ ангельский собор и человеческий род,/ освящен-
ный храме и раю словесный, девственная похвало,/ из Неяже Бог воплотйся и Младенец
бысть, прежде век сый Бог наш. / Ложесна бо Твоя престол сотвори и чрево Твое пространнее небес
содела./ О Тебе радуется, Благодатная, всякая тварь, слава Тебе.

Степенна, 1-й антифон 4-го гласа. Прокимен, глас 4: Честна пред Господем/ смерть преподоб-
ных Его. Стих: Что воздам Господеви о всех, яже воздаде ми? Всякое дыхание: Евангелие от Мат-
фея, зачало 43. По 50-м псалме стихира, глас 6:

Иже на земли ангелов/ и на Небесй человеков Божиих,/ мира благое украшение,/ пищу благих

добродетельных,/ постников похвалу,/ Сергия Велйкаго и Никона почтим, / насаждени бо в дому
Господни/ и процвели есте праведно,/ яко кедри в пустыни, / умноживше стадо Христовых словес-
ных овец/ в преподобстве и правде.

Канон Успению Пресвятыя Богородицы со ирмосом на 6 и преподобным и Богоносным отцем
нашим игумену Сергию и ученику его Никону на 8,
глас 8.

Песнь 1

Ирмос: Колеснипеготктеля фараоня погрузи/ чудотворяй иногда/ Моисейскии жезл, крестооб-

разно поразив/ и разделив море,/ Израиля же беглеца, пешеходца спасе,/песнь Ббгови воспева-
юща.

Безсмертия жизнь приймше,/ вечныя яве и трисиянныя зари, отцы, насыщаетеся просвеще-
нием благодати,/ омраченную душу мою озарйти помолитеся, / яко да достойно поем вас.

Йже во чреве материи трикраты проглашением Троице служитель показался еси/ и, Трисолнеч-
ным светом озаряемь,/ бесовская ополчения, яко паучину, разорил еси, преблаженне Сергие.

Все твое желание к Богу мужески вперив,/ в Вышних селение сотворил еси преславно. / Темже
тя песньми, блаженне Никоне, почитаем.

Трисолнечным желанием озаряеми, премудрии,/ злое, блаженнии, бесов шатание и зверей зияния/
ранами болезней, якоже паучину, разорили есте, / Божественным разжигаеми желанием.

Богородичен: Йко Божия Мати, дерзновение имущи к Рождшемуся из Тебе/ Единородному
Слову и Отцу Собезначальному и Срасленному* Духу,/ моляши не престай от бед спасати,
Всенепорочная, / йже Тя, Богородицу, славявхия.

Песнь 3

Ирмос: Утвержден в начале Небеса разумом/ и землю на водах основавши, / на каменн мя, Христе,
заповедей Твоих утверди,/ яко несть свят, паче Тебе, Едине Человеколюбче.

Утвержденным помыслом и крепким терпением страстей пламень увядйсте/ и в безстрастия
светлую одежду, отцы блаженнии, облекостеся.

Йко доброплодная маслина в дому Божий, блаженнии, процветосте, / маслом души просвеща-
юще любовию вас поющих: / несть свят, паче Тебе, Господи.

Аще и далече, отче Никоне, житием пребывавый, / но близ верою и любовию духовнаго
твоего настоятеля,/ и, с ним вкупе же и Богови предстояще, о нас молйтеся.

Страсти душетленныя успйсте бодренным бдением, блаженнии, / и сего ради в чертог Небесный
вселйстеся/ и прилете благодать исцелений.

Богородичен: Умерщвленный мой ум животным Действом, еже из Тебе явлыпимся

мирови,/ воздвигни, Чистая, и к жизни настави,/ Яже смерти двери разоршая едина рождеством Твоим.

Седален, глас 8.

Подобен: Премудрости:

Павлов о насаждение и Аполлосово восприемый напоение/ и ваше верою насаждение

и учением напоение, Иже возращаяй, Бог/ приял есть йноких
благочестия верою,/ молитвами вашими возрастив, и умножил есть, / и от Того, яко вернии рабй
и делатели разумнии, и трудом возмездия достойно прияли есте,/ Сергие Богомудре и Никоне
священне,/ Богоноснии отцы, пастырие и учйтелие,/ Христа молите стране победительная
на варвары даровати/ и стадо ваше в мире сохранйти и спасти души наша.

Слава, и ныне, Богородичен:

Божественная скиния была еси Слова, едина Пречистая Мати Дево,/ чистотою Ангелы
превозшедшая, / паче всех мене, персть бывша,/ осквернена плотскими прегрешеньми, /

очисти молитв Твоих Божественными водами, / подающи, Чистая, велию милость.

Песнь 4

Ирмос: Ты моя крепость, Господи,/ Ты моя и сила, / Ты мой Бог, Ты мое радование, / не оставль
недра Отча/ и нашу нищету посетив,/ Тем с пророком Аввакумом зову Тн:/ силе Твоей слава,
Человеколюбче.

Весь Богови освятйся, Сергие славне,/ и един Единому совокуплялся, премудре, / добродетелию
приближался и боговидением. / Тако и ты, яко чист, сподобляемь, земли бо и земных отступль,
Никоне, достойно./ Темже и Небесное обретосте наслаждение.

Духа Пресвятаго храм, отче, был еси/ и жизненных вод река исполняема, / основание непоколебй-

мо Церкве,/ монашествующих утверждение, Сергие досточудне.

С трастами различными колеблемый/ и верою притекающий к твоему гробу, блаженне Никоне, /
святым твоим ходатайством вся посети мйлостивно к Человеколюбцу.

Йже к Богу вашим прошением помяните нас, отцы Богоблаженнии Сергие и Никоне, / от всяка-
го избавится искушения» молимся,/ йже верою вас восхваляющих.

Богородичен: Бога,, Иже из Тебе воплощенна, еже бе, пребывша, / Иже естеством равна Отцу и
Тебе, Рождшей, бывша единосущна, / моли непреложно прощение согрешением и душам спасение
поющим верою даровати.

Песнь 5

Ирмос: Векую мя отринул еси/ от лица Твоего, Свете Незаходймый,/ и покрыла мя есть чуждая
тьма, окаяннаго, / но обрати мя и к свету заповедей Твоих/ пути моя направи, молюся.

Законом Божественным последующе,/ закон оположницы явльшеся иноком, Богоприятнии,

 /правила известнейшая, наставницы заблуждшим, светйльницы всесветлии, / отечество свое просве-
щаете, Сергие и Никоне, Богомудрии.

Остр ум имея к Богу,/ страсти душетленныя успил еси, отче, / и снопы благоплодия пожал еси, /
питая благочестно восхваляющий тя, преподобие Сергие.

Узкий и прискорбный путь шествовал еси, преподобие Никоне,/ восхожденьми Божествен-
ными сердца твоего, / аможе отца твоего наставиша тя молитвы.

На Небесех при сносу щную славу ныне зряще,/ неизглаголанныя и Божественный зари

пресветлых наслаждающеся селений,/ покрыйте нас предстательством своим, преподобнии угодницы
Христовы, всечестнии.

Богородичен: Тя стену имуще и заступлением Твоим соблюдаеми, / Твоею Божественною славою
хвалящеся, Тя ублажаем,/ Ты бо, Пречистая, душам нашим источавши веселие и радование.

Песнь 6

Ирмос: Бездна грехов и прегрешении буря мя смущает/ и во глубину нужднаго реет мя
отчаяния,/ но Твою крепкую руку мне простри, яко Петрови,/ о Управителю! и спаси.

Яко свет, яко два велия солнца разумную твердь украшаете, преподобнии, / и знамении зарей прос-
вещаете всех верных сердца,/ тем зовем вам, молящеся:/ разрешите тьму страстей наших.

Нас свыше, стадо свое, озарявши мйлостивно, отче,/ воинству победу православному подай
молитвами твоими,/ возвышая рог православных, / от нас же приимй, аще и малое, прино-
симое тебе моление.

Яко весь Христу приближался яснейши, / помяни всех, поминающих тя, Никоне всечестне,/
грехов прощения у Христа прося и Небеснаго Царствия восприятия.

Троичен: Преначальное Естество и Трисоставное Единство,/ Отче и Сыне и Душе

Пресвятый,Свете и Животе Богоначальный, / приимй молитвенники о нас, Твоя угодники,/

спасай Церковь Твою и Тя верою призывающий/ и сподоби нас в мире славити Твою державу.

Богородичен: Вйдети желающе Твоего Сына и Бога Небеснаго славу Царствия, Богородице,/
Сергий и Никон преподобнии мира с желанием его оставиша/ и, Сего крест на рамо вземше,
последоваша живоносным Его и Божественным стопам.

Кондак, глас 8.

Подобен: Избранной:

Впостницех приобщившеся Великому Антонию/ и Евфймию Иерусалимскому поревновавше в

подвизех,/ яко Ангели, на земли явистеся,/ просвещающе, преподобнии, верных

сердца/ Божественными знамении и чудесы повсегда,/ сего ради радостно вас почитаем и
любовию вопием вам:/ радуйтеся, преподобнии отцы Сергие и Никоне,/ постником удобрение и
всея Российский земли великое утверждение.

Икос:

Священная и Богомудрая двоица отец пречудная, / на земли добре подвйпнеся,

целомудренно и праведно пожйвше, / постнически испытавшеся любовию и надеждею вооружйвшеся, /
разорйша хйтростне вражия коварства/ и,с лики святых всех Пресвятыя Троицы престолу
предстояще,/ Еяже светом просвещаемы, победными венцы венчашася;/ и, во всем мире чудес
зарями блистающе, / полезная нам просите от Бога молитвами вашими богоприятными, / яко да радо-
стно вас чтим и любовию вопием вам: / радуйтеся, преподобный отцы Сергие и Никоне,/ постником
удобрение и всея Российския земли великое утверждение.

Песнь 7

Ирмос: Боткин снизхождения / огнь устыдеся в Вавилоне иногда./ Сего ради отроцы в пещи,
радованною ногою,/ яко во цветнице, ликующе, пояху:/ благословен еси, Боже отец наших.

Прекрасный сосуды честный, Пресвятаго Духа в себе носяще, отцы преподобный, / крест свой на
рамо вземше, последовасте Христу невозвратным помыслом, Сергие Богомудре и Никоне блаженне, /
и плотская мудрования духовы повинусте.

Мир преобйдевше, славный Сергие и Никоне,/ на земли бо, яко безплбтни, пожйсте, /

ангельским ликостоянием подобящеся./ Темже почитаем вас
верно, досточуднии.

Певцев, иже верою поющих вас и честную память во храме вашем торжествующих,/ храмы
соделайте Духу Пресвятому молитвами вашими/ и от враг видимых и невидимых избавитися
молйтеся, преподобный.

В села Вышняя всельшеся, преподобный,/ посреде нас бысте невидимо, милосердуете, / иже
посреде Божественнаго храма вашего песни возсылающих Вседержителю/ и блажащих прилежно
вас, всехвальнии.

Богородичен: Марию Пречистую и Всесвятую восхвалим,/ Той бо ради благодать нам источает
Иже паче ума даров,/ яко от потока Божественныя благодати,/ Юже благочестивым помыслом
ублажаем.

Песнь 8

Ирмос: Седмерйцею пещь/ халдейский мучитель/ Богочестивьш нейстовно разжже,/ силою же лучшею спасены, сия видев,/ Творцу и Избавителю вопияше:/ отроцы, благословите,/
священнипы, воспойте,/ людие, превозносите во
вся веки.

Прекрасное лозие винограда Христова явйстеся, отцы преблаженнии, / источающе нам вино
исцелений незавйстных, / с верою притекающим ко святому храму вашему и Христу вопиющим:/
отроцы, благословите, священнипы, воспойте,/ людие, превозносите Его во вся веки.

Прилежно поюще, молим вас:/ молйтеся, преподобнии, победы даровати на враги стране нашей, /
и церквам благолепие, и мир мйрови, да весело поем Христу:/ отроцы, благословите, священни-
цы, воспойте,/ людие, превозносите Его во вся веки.

Мужествовав, победил еси страстная взыграния вся, / ум просвещен имея, возмогл еси, / яже виде
отца творяща, сия детели исполнит:/ темже тя вси ублажаем, Никоне всеблаженне.

Храм ваш чудесы вашими всебоголепно, яко звездами светлыми, украшается./ Темже и мы,
согласно веселящеся, всегда блажим вас и честную вашу память празднуем благочестно. / Сергие и
Никоне, отцы Богомудрии, искушений бурю утолите/ и уныния облаки разжените.

Отче преподобие и Богоносне Сергие и чудный Никоне,/ войстинну не дали есте мужем крове и
льсти в расхищение своея обители,/ в нейже поныне молим вас:/ ненавидящих и оклевета-
ющих нас умирите / и греховныя скорби и печали отженйте, да поем Христу: / отроцы, благословите,
священнипы, воспойте, / людие, превозносите Его во вся веки.

Богородичен: Невесто Божия, Пренепорочная, / к Тебе прибегающий пленения страстей исхитй / и
самовластную свободу, Владычице, Православным Церквам подаждь, верою поющим:/ священ-
ницы, пойте, людие, превозносите Господа во вся веки.

Песнь 9

Ирмос: Ужасеся о сем Небо,/и земли удивйшася концы,/яко Бог явися человеком плотски/и чрево
Твое быстъ пространнейшее Небес/ Тем Тя, Богородицу,/ Ангелов и человек чиноначалия
величают.

Се, отверзеся вам, отцы, Царство Небесное,/ скончавше добре течение, вйдесте яже видят
Ангели,/ и воздаяние трудом подает вам почести Бог, почитая вас/ Тем, отцы святйи, ублажаем
вас.

Взятся к высоте Небесней добродетельми, отче Богомудре Сергие,/ и в веселии сердца предсто-
йши Престолу Святыя Троицы,/ не забуди чад твоих,/ совершенно здравие и дйвну победу на
враги даруй,/ да вен тя песньми непрестанно величаем.

Уставите священными своими молитвами воздвигаемое смущение и человек всех озлобление,/
яко имуще дерзновение ко Владыце и Богу нашему,/ Сергие и Никоне досточуднии.

Земля с Вышними веселится во светлый Божественный праздник ваш, всеблаженнии, / нас же
избавите тьмы, и болезней, и всякия тесноты,/ и еже во аде лютаго, мудрии, мучения.

Рукою моею недостойною и любовию сердечною приносимое к вам малое сие моление/ приимйте,
Богомудре Сергие и всеблаженне Никоне, / душам нашим спасение и телесем здравие молитвами
вашими испросите/ и мир мирови даровати,/ яко да множае вас в песнех величаем.

Богородичен: С пасения буди ми столп, Чистая, / бесовским возбраняющи полком,/ и напастей
молву и бед отгоняй, и страстей нашествие далече прогоняй, / и чйсту подаждь свободу, и Божествен-
ным дарованием незавйстне даруй.

Светилен:
Процвел еси, яко финике, давйдски, отче,/ и обитель явился еси Духа Всесвятаго, / Иже славна

тя вселенней показа,/ о нас непрестанно Христа моли,/ почитающих верою пречестную память
твою,/ преподобие Сергие.

Слава Отцу и Сыну и Святому Духу:

Святыни храм был еси, преподобие,/ по Божественному причастию райский гражданин,/ в
немже наслаждаешися невозбранно древа знания и нетленныя славы,/ память творя, Никоне
преподобие,/ о йже верою хвалящих тя, отче Богомудре.

И ныне, Богородичен:

Радуйся, верных похвале;/ радуйся, преподобных утверждение;/ радуйся, православных
славо;/ радуйся, свете сущих во тьме;/ радуйся, храме пресвятый; / радуйся, Божий раю; / радуйся,
клятвы разрешение, Благословенная Марие.

На хвалйтех стихиры на 4, глас 4:

Бгда Божественное звание найде на тя, пребогате,/ тогда все плотское мудрование духу
повинул еси,/ пощения страданьми утвердйвся,/ и, яко злато, в горниле искушено, сияя, явился
еси./ Приятелище был еси Духа Пресвятаго,/ собрав монашествующих множества/ и учении
твоими, яко некоею небовосходною лествицею, / на высоту добродетелей возводя. /

Поминай нас, Сергие, чтущих память твою,/ спасти и просветити души наша.

Богоносе и преблаженне отче Сергие,/ ты пророчески постелю слезами измывал еси: / не дал
еси сна твоим очесем,/ ни веждом дремания,/ сердечное желание, еже ко Христу, являя, / Егоже
измлада возлюбив,/ всякия добродетели вид исправил еси. / Темже тя ублажаем, / Христа велича-
юще, тя прославлыпаго.

Великая исправления постнических подвиг/ великаго отца, войстинну чуднаго Сергия, / Нико-
не блаженне, / привлекоша тя желание постническому сословию,/ и дивно добродетелей его
воображен тому сожитием, / и сострадалец подвигом доблествен,/ яко ученик того истинен,/ учи-

тель же художен того чадом./ И ныне молйся, преподобие,/ помйловатися душам нашим.

Древо доброветвенно, / сенно и благоплодно, / на водах прекрасно жизненных войетинну
насажденное,/ питающее приходящий и осеняющее опаляемыя,/ ты еси, отче преподобие,/
напаяемь учении Сергия,/ ймиже питал еси твоя ученики. / Темже молим тя: / осени люди, заступая
от языческих нашествий,/ низлагая их прежде востания./ Нас же в мире соблюди,/ Никоне,
твоими молитвами.

Слава, глас 2:

Преподобие отче, /измлада воздержанию прилежав, постйвся, / орган был еси Святаго Духа. / Тем
и чудес дарования прием,/ человеки научил еси преобйдети маловременная. / Ныне же неизречен-
ным светом светле сияеши, / просвети наша мысли ходатайством твоим,/ мудре Сергие.

И ныне, Богородичен:

Все упование мое на Тя возлагаю,/ Мати Божия,/ сохрани мя под кровом Твоим.

Славословие великое. И отпуст.

 

                                                   НА ЛИТУРГИИ

 

Блаженны от канона святых, песни 3-я и 6-я. Прокимен,
глас 7: Честна пред Господем/ смерть преподобных Его.
Стих: Что воздам Господеви о всех, яэке воздаде ми?
Апостол к Галатом, зачало 213. Аллилуйя, глас 6: Блажен
муж, бояйся Господа, в заповедех Его восхощет зело. Стих:
Сильно на земли б^дет семя его. Евангелие от Луки, зачало
24. Причастен: В память вечную будет праведник:

Назад к списку