Собор Радонежских святых

Собор Радонежских святых
	НА ВЕЛЙЦЕЙ ВЕЧЕРНИ Блажен муж: 1-й антифон. На Господи, воззвах: стихиры, глас 8. Подобен: О, преславнаго чудесе: Ныне возсия многосветлая память/ святых Радонежских чудотворцев,/ венцы славы Небесныя/ украшенных от Подвигополбжника Христа Бога./ Темже, благовернии людие,/ восхвалим богоугодное их житие/ и вси согласно возопиим:/ молйтеся ко Господу, святии отцы,/ о спасении душ наших. Преподобный и Богоноснии отцы наши/ Сергие, Никоне и Михее/ и вси Радонежстии святии,/ ныне Церковь достойно восхваляет вас,/ вы бо, добродетельное житие на земли скончавше,/ на Небесех ныне пребываете,/ зряще славу Триипостаснаго Бога,/ не оставите нас, в пути земнем сущих,/ с верою чающих жизни будущаго века. Я ко многоплодный вертоград/ явйся на земли Радонежстей/ обитель Троицы Живоначальныя,/ от неяже произыде монахов пречестных множество, / и тйи, яко отрасли благоуханный, / насадишася даже до края Руси,/ тех убо ныне празднующе память,/ притецем, вернии человецы, и воспоем: / радуйтеся, преславнии чудотворцы земли Радонежския.

Веселйтеся и торжествуйте,/ христоименитии людие,/ пришедший поклонйтися дому

Животворящий Троицы,/ се бо лик Радонежских угодников Божиих, / яко лучами

светозарными блистая, / просвещает страну Российскую / и, имея дерзновение ко Господу, /

на Небесех молится прилежно / о спасении душ верных христиан.

Слава, глас 6:

Богоблаженнии отцы наши/ Сергие, Никоне, Михее / и вси Радонежстии чудотворцы, / суету и прелесть

житейскую / мужественне отложйвше / и вся концы земли нашея/ подвиги благочестия
просветйвше,/ царство вечныя славы/ войстинну
наследовали есте, / приимйте моление верных чад своих,/ да избавимся от сетей

вражиих,/ злых напастей и лютых недугов,/ вас бо теплых пред
Богом ходатаев стяжахом.

И ныне, Богородичен: Кто Тебе не ублажит:

Вход. Прокимен дне. И чтения преподобническая

Премудрости Соломоновы чтение
(глава 3):
Праведных души в руце Божией, и не прикоснется их мука./ Непщевани быша

во очесех безумных умрети,/ и вменйся озлобление исход их./ И еже от нас шествие?

сокрушение,/ они же суть в мире. / Ибо пред лицем человеческим аще и муку приймут, /

упование их беземертия исполнено./ И вмале наказани бьшше, великими благодетельствовали

будут, / яко Бог искуси я и обрете их достойны Себе. / Яко злато в горниле, искуси их /
и, яко всеплодие жертвенное, прият я. / И во время посещения их возсияют / и, яко

искры по стеблию, потекут./ Судят языком и обладают людьми,/ и воцарится Господь в них во веки./

Надеющийся Нань разумеют истину/ и вернии в любви пребудут Ему, / яко благодать и милость в

Преподобных Его/ и посещение во избранных Его.

Премудрости Соломоновы чтение
(глава 5):
Праведницы во веки живут, и в Господе мзда их,/ и попечение их у Вьшгаяго./ Сего ради приймут

Царствие благолепия и венец доброты от руки Господни,/ зане десницею покрыет я и мышцею защитит их. /

Приймет всеоружие рвение свое / и вооружит тварь в месть врагом. / Облечется в броня правды/ и возложит

шлем?суд нелицемерен. / Приймет шит непобедимый преподобие, / поострит же напрасный гнев во оружие, /
споборет же с ним мир на безумныя./ Пойдут праволучныя стрелы молниины/ и, яко от благокругла лука облаков,

на намерение полетят. / И от каменометныя ярости исполнь падут грады,/ вознегодует на них вода морская, /

реки же потопят я нагло./ Сопротйв станет им дух силы/ и, яко вихор, развеет их, и опустошит всю землю

беззаконие, / и злодейство превратит престблы сильных. / Слышите убо, царие, и разумейте,/ навыкните,
судий концев земли./ Внушите, держащий множества/ и гордящийся о народех язык,/ яко
дана есть от Господа держава вам/ и сила от Вышняго.

Премудрости Соломоновы чтение

(глава 4):

Праведник аще постигнет скончатися, в покои будет. / Старость бо честна не многодетна, / ниже в
числе лет исчитается./ Седина же есть мудрость человеком,/ и возраст старости житие нескверное. /

Благоугоден Богови быв, возлюблен бысть/иживый посреде грешник преставлен бысть./ Вос-хищен

бысть, да не злоба изменит разума его / или лесть прельстит дупгу его./ Рачение бо злобы
помрачает добрая/ и парение похоти пременяет ум незлобив./ Скончався вмале, исполни лета
долга,/ угодна бо бе Господеви душа его,/ сего ради потщася от среды лукавствия. / Людие же видевше

и не разумевше,/ ниже положше в помышлении таковое, / яко благодать и милость в
преподобных Его / и посещение во избранных Его.

 

 

На стиховне стихиры, глас 2:

Внйдем, братие, днесь в радость / велия духовнаго торжества,/ се бо Церковь Российская
прославляет/ всехвальный собор Радонежских чудотворцев,/ поучающи нас благочестно евангельскому

их житию.

Стих: Честна пред Господем/ смерть преподобных Его.

Во умилении сердца воспойм, вернии людие,/ подвиги преподобных отцев:/ Богоноснаго аввы

Сергия/ и его единоревнйтеля Никона,/ первенца пришельца Василия Сухаго, / послушлйваго

Иакова,/ двоицу диаконов: сына и отца, Елиссея и Онйсима,/ Симона, архимандрита Смоленскаго, /
Исаака Молчальника и Макария,/ зрителей чуда сослужения ангельскаго, / и другаго Симона, йже
виде огнь, в потир вшедший,/ Сергию причащающуся.

Стих: Священницы Твой облекутся в правду,/ и преподобнии Твой возрадуются.

Едйнеми усты восхвалим добре, братие, / светоносный лик Радонежских святых:/ игумена

Митрофана, духовнаго отца Сергиева,/ и самовидца явления Богородицы Михея,/ преподобных

Сергия и Павла Обнорских, / Саввы Сторожевскаго и Андроника Московскаго, / Варфоломея и

Наума, старцев доблестных, / Афанасия Серпуховского и Романа Киржачскаго/ и всех с ними

прилежно подвизавшихся,/ йхже житием прославися великолепое Имя Жизнодавца Христа.

Слава, глас 3:

Богоносных отцев Радонежских/ всечестную память ныне лразднующе, / научимся, братие, их
вере и житию, / истинному поклонению / и служению Пресвятей Троице,/ йхже дерзновенным
предстоянием да сподобимся / восприяти богатыя Ея милости и щедроты.

И ныне, глас тойже:

Явилася еси, Дево Богородице,/ со двема апостолома?Петром и Иоанном, / преподобному отцу

Сергию,/ емуже сопричастник в зрении чуда бысть/ достоблаженный ученик Михей,/ и изрек-
ла еси обетование:/ не оставлю обитель сию, избранниче Мой,/ Своим покровом и любовию./
Мы же, радующеся, зовем Ти:/ присно спасай нас, Владычице,/ от мглы грехов, злых обстояний и
бед.

Ина стихира на Слава, и ныне, глас 2:

О, сладкаго Твоего гласа, / Мати Христа Моего! / О, чудныя любве и Твоего посещения, Владычице!/

О, неизреченнаго Твоего обещания,/ еже с нами пребывания.

Тропарь, глас 4:

Днесь светло празднуем, вернии людие,/ преславныя Троицкия обители торжество:/ се бо
велий собор святых чудотворцев Радонежских,/яко дйвныя птицы небесныя, /являет нам Церковь

Российская, / стезями честнаго их жития шествовати всех призыв ающи,/ к нимже, с верою и любовию

притекающе, воззовем:/ молйтеся о нас ко Пресвятей Троице, / преподобнии отцы наши с Богоносным

аввою Сергием,/ мир мйрови даровати/ и душам нашим велия милости.

Ин тропарь, глас 2:

Плоды добродетелей на земли принесше,/ преподобнии отцы,/ в Небесных чертозех ныне
благоухаете, яко райстии цвети,/ и лицем к лицу зрите Пресвятую Троицу,/ Юже дерзновенно

молите,/ спастйся душам нашим.

 

                                                                                      на Утрени

На Бог Господь: тропарь преподобнаго Сергия,
глас 8: От юности восприял еси Христа в души
твоей, преподобие: (зри страницы 292?293) единожды и Днесь светло празднуем: 

единожды. Слава: Плоды добродетелей: И ныне, Богородичен.

По 1-м стихословии седален, глас 5:

Яко свещницы на престоле, возсияли есте, святйи чудотворцы земли Радонежския,/

и, яко многоцветие благовонное, израслй есте,/ темже неоскудно потопы людей

православных притекают к раце ваших святых мощей,/ просяще мйрови
вышний мир и велия милости.

Слава, и ныне, Богородичен:

Богородице, Дево Чистая, молйся Господеви,/ яко да Твоим предстательством

подаст душам нашим грехов оставление,/ мир и радость в надежда спасения вечнаго.

По 2-м стихословии седален, глас 4:

Приимйте налгу песнь церковную, святйи чудотворцы Радонежстии, / вы бо

доблественне подвизали ся есте на земли,/ со страхом и трепетом спасение свое

соделавше, / и ныне торжествуете в Вечнем Царстве Небеснаго Владыки.

Слава, и ныне, Богородичен:

Дево Богородице, с верою и любовию под кров Твой прибегаем,/ вемы, яко

недостойнии раби Твой есмы, / но, молящеся, обрящем Тобою спасение.

Величание:

Величаем вас, / вси святйи земли Радонежския, / и чтим святую память вашу, /

вы бо молите за нас / Христа Бога нашего.

Псалом избранный: Терпя, потерпех Господа:

По полиелеи седален, глас 8:

Богомудрии отцы наши Сергие, Никоне и вси Радонежстии преподобнии, / вкупе и

во уединении  подвизавшийся душеспасительным доброделанием,/ не забудите в молитвах

ваших на Небесех  о верных чадех своих,/ чающих многия милости.

Слава, и ныне, Богородичен:

Дево Всенепорочная, Всещедраго Бога рождшая, / непрестанно Того моли о спасении душ наших,/

Тя бо твердую Предстательницу имамы.

Таже степенна, 1-й антифон 4-го гласа. Прокимен, глас 4: Честна пред Господем/

смерть преподобных Его. Стих: Что воздам Господеви о всех, яже воздаде ми? Всякое дыхание: 

Евангелие от Матфея, зачало 10.

Слава: Молитвами преподобных и Богоносных отцев Радонежских,/ Милостиве, очисти/

множество согрешений наших.

И ныне: Молитвами Богородицы:

По 50-м псалме стихира, глас 6:

Вземше на рамена благое иго Христово, / подвизастеся идти тесным путем/ в Царство

вечныя жизни,/ якоже рече Господь наш./ И ныне во Свете невечернем/ ликуете со ангельскими

силами,/ зряще неизреченную славу Триипостаснаго Божества,/ не оставите нас любовию своею,/
святии отцы, Радонежстии чудотворцы,/ подающе нам великия и богатый милости.

Канон Богородицы и преподобным, глас 8.

Песнь 1

Ирмос: Колесницегонйтеля фарадня погрузи/ чудотворяй иногда/ Моисейский жезл, крестообразно

поразив/ и разделив море,/ Израиля же беглеца, пешехбдца спасе,/песнь Боговивоспевающа.

Припев: Вси святйи земли Радонежския, молите Бога о нас.

     Как о восхвалим вас, преподобнии Сергие, Никоне/ и вси чудотворцы, во обители

Троицы Пресвятый подвизавшийся/ и мир весь житием своим равноангельным удививший?

Сам сый добрая отрасль от благаго корене родителей твоих,блаженных Кирилла и Марии,/во святей

схиме скончавшихся, Богомудре Сергие, / восприял еси на рамс многоскорбный Крест
монашескаго жития,/ не обинуяся последов а Христу.

Пустынное житие избрав,/ насадил еси духовный вертоград, Богоносе отче Сергие, / и воспитал

еси множество иноков добронравных,/ имиже прославися великое Имя Святыя Троицы.

Процвете, яко финиксе, обитель Живоначальныя Троицы/ многими труды твоими, преблаженне
отче Сергие, / да спасаются зде ревностно ученицы твои.

Богородичен: Мати Бога Истиннаго,/ приимй мольбы рабов Твоих, ищущих Твоего заступле-
ния,/ Ты бо еси пристанище необуреваемое православных христиан.

Песнь 3

Ирмос: Утвержден в начале Небеса разумом/ и землю на водах основавши, /на камени мя, Христе,
заповедей Твоих утверди,/ яко несть свят, паче Тебе, Едйне Человеколюбче.

В час нощныя молитвы твоей, Богохвальне отче наш Сергие,/ бысть чудное явление с Небесе,/
знаменующе будущая о множестве ученик твоих.

Дивныя птицы райския, излетевший в лучах света Небеснаго, / видел еси в той час, преподобие
отче Сергие, / и слышал еси глас, свыше глаголющ тебе грядущая о ученицех твоих.

Яко кедр, йже в Ливане, умножишася сподвижницы и ученицы твой / и прославишася в доброде-

телех, Сергие Богоблаженне, / подражающе твоему житию.

Восприим ревность духовную, многи подвиги совершил еси / и теми Пресвятую Троицу просла-
вил еси,/ темже ныне наслаждаешися на Небеси,/ зря Той доброту неизреченную, Сергие великий.

Богородичен: Бога, воплощаема из Тебе, зряще, Дево,/ ужасахуся страхом и трепетом Горния
силы/ и яко сущую Богородицу Тя непрестанно величают.

Седален, глас 4:

Приидосте в дом Животворящий Троицы, преподобнии отцы,/ и обретосте безценный бисер,
Христа, / в пениих, бдениих и пощениих монашескаго жития стяжавше благодать Его, /

непрестанно молите Всемилостиваго Спаса о душах наших.

Слава, и ныне, Богородичен:

Тебе, Мати Божия, роди родов поют, славят и поклоняются, / избави нас от всяких злых преткно-
вений вражиих, / Твой бо есмы рабй, да не постыдимся.

Песнь 4

Ирмос: Ты моя крепость, Господи,/ Ты моя и сила, / Ты мой Бог, Ты мое радование, / не оставль
недра Отча/ и нашу нищету посетив./ Тем с пророком Аввакумом зову Ти:/ силе Твоей слава,
Человеколюбче.

Оставивше суету мирскую, возлюбили есте житие монашеское / и до конца предали есте себе, яко
овцы, послушанию и смирению,/ во образ Сладчайшаго Христа, Никоне и Михее Богоноснии.

Мира красоту презрели есте / и вселилися есте во обитель Радонежскую,/ процветшую, яко
сад  дивный, многообразными вашими добродетельми, / Васйлие и Иакове, отцы всеблаженнии.

Воздержанием, коленопреклонением и слезами / угасили есте душепагубныя страсти в себе, отцы
преславнии Онисиме и Елисеев, / и прославили есте Христа в душах и телесех ваших.

Земныя прелести отвергше,/ благодатию Божиею сторицею преумноженный плод духовный
обрели есте, / научите убо и нас правилам веры и образу йстиннаго жития,/ преподобный Симоне
архимандрите и игумене Митрофане.

Богородичен: Един от Святыя Троицы воплотися от Тебе, Пречистая,/ да спасет весь род
человеческий от работы враясия и вечнаго осуждения.

Песнь 5

Ирмос: Векую мя отринул еси/ от лица Твоего, Свете Незаходимый, / и покрыла мя

есть чуждая тьма, окаяннаго,/ но обрати мя и к свету заповедей Твоих/ пути моя направи,

 молюся.

Многими болезньми, непрестанными молитвами/ и духовным трезвением тьму бесовскую
отгнавше,/ собеседники Ангелов явйлися есте,/ Исаакие и Макарие, отцы прехвальнии.

Войстинну христоподражательне пожили есте, преподобнии отцы Симоне и Илие, /

плоть свою со страстьми и похотьми распявше, / темже помозйте нам, немощным, преодолети

сопротивныя силы лукавых духов.

Воздевше руки горе,/ сотворите усердное моление и ходатайство пред Всемилостивым

Спасом / о всех чтущих вашу всечестную память, / преподобнии Сильвестре, Сергие и

Павле, / на реце Обноре подвизавшийся.

Теплое предстательство ко Святей Троице имуще,/ не забудите убогих рабов, с верою
призывающих вас в час лютыя напасти,/ святии Феодоре и Павле Ростовстии/ и сродниче по
плоти Сергиев, святителю отче Феодоре.

Богородичен: Все наше упование на Тя возложихом, Дево Марие,/ призри на ны, люди
согрешившия, / с верою чающия от Тебе заступления и спасения.

Песнь 6

Ирмос: Очисти мя, Спасе,/ многа бо беззакония моя, /и из глубины зол возведи, молюся,

к Тебе бо возопих, и усльппи мя,/ Боже спасения моего.

Приимше Господне благословение и благодатию Духа Всесвятаго укрепляемии,/

преподобнии отцы Иакове Железноборовский и Григорие Голутвинский, / насадили есте

обители, яко духовныя источники, на земли Россййстей.

Проел явлени быша вашими подвиги, отцы досточуднии, / Авраамие Галицкий и

Мефодие Пешношский, пустыни непроходимый, / процветшия, яко крйни сельнии,

и источившия реки чудес.

Слезами, постом и молитвою создавше обители святыя на земли,/ ныне вечно

\радуетеся во обителех Отца Небеснаго,/ снятии Савв о Стромынский и Леонтие

Дубенский, мужие добропобеднии.

Обогатили есте духовным сокровищем селения своя,/ и прославишася вашими

добродетельми земли Ростовская и Обнорская,/ Киржачская и
Стромынская, Сторожевская и Коломенская/ и иныя от предел многих.

Богородичен: Владычице Богородице, отверзи нам двери милосердия Твоего, /

Ты бо еси спасение рода христианскаго.

Кондак, глас 8:

Приидйте, вси концы отечества нашего, / прославим святый лик угодников

Радонежских,/ яко звезды, украсивших небо церковное подвиги
земнаго жительства,/ тех бо предстательством теплым ко Господу/ многия нам

милости Его низпосылаются,/ бедствия отгоняются и злыя страсти укрощаются./

Ихже всесвятую память ныне празднующе, тако возопийм:/ радуйтеся,
Сергие и Никоне и вси Радонежстии чудотворцы, / усерднии служйтелие

Живоначальныя Троицы.

Икос:

Мирскую честь и славу презревше,/ единому Христу вожделели есте поработати,

/ преподобнии отцы наши Сергие, Никоне и вси святии,/ в земли Радонежстей и

окрест ея просиявший,/ зде достойно и праведно Живоначальней Троице послу-
жили есте. / Темже и вселйся в вас Дух Пресвятый и умудри познанием пачеестественным, /

наставите убо нас истинней вере и житию, / да сподобимся неосужденно призыв ати Троицу Единосущную и

Нераздельную./ Темже, ублажающе ныне вашу честную память, непрестанно зовем:/ радуйтеся,
отцы преславнии, / учителие наши и служителие
неотступнии Святыя Троицы.

Песнь 7

Ирмос: Божия снизхождения/ огнь устыдеся в Вавилоне иногда./

Сего ради отроцы в пещи, радованною ногою,/ яко во цветнице, ликующе,
пояху:/ благословен еси, Боже отец наших*

Достигше Горних чертогов,/ тамо со Ангелы славословите Господа

Вседержителя, поюще: / отцев Боже, благословен еси.

Молитеся непрестанно за ны, / дети ваша духовная, с верою поющая:/

отцев Боже, благословен еси.

Зряще с Небесе на призывающий вас в скорбех христианы, / возниспослите помощь

поющим: / отцев Боже, благословен еси.

Со Христом царствуете нескончаемо,/ темже умолите Господа сил спасти ны,

поющия:/ отцев Боже, благословен еси.

Богородичен: Простри руце Твой, Преблагословенная Дево, к Сыну Твоему,

Христу Богу нашему, молящи усердно,/ да помилует нас, грешных, по велйцей Своей

милости.

Песнь 8

Ирмос: Седмерйцею пещь/ халдейский мучитель/ Богочестивым нейстовно

разжже,/ силою же лучшею спасены, сия видев,/ Творцу и Избавителю вопияше:

/ отроцы, благословите,/ священницы, воспойте,/ людие, превозносите во
вся веки*

Достойно и праведно на земли житие скончавше, / Царству нетленных бла приобщили-
ся есте, поюще:/ да благословит тварь вся Господа/ и превозносит во вся веки.

Вельмй прославляет ныне ваше равноангельное житие/ Церковь Христова, воспевающи:/ да

благословит тварь вся Господа / и превозносит во вся веки.

Добрии и вернии предстали есте на Небесех раби Христови,/ яко умножили есте

врученный вам таланты духовныя,/ темже благодарив воспеваете: / да благословит

тварь вся Господа / и превозносит во вся веки.

Наследовавше блаженство неописанное,/ научите нас достойно жити во всяком

благочестии и чистоте, поющих:/ да благословит тварь вся Господа/ и превозносит во вся веки.

Богородичен: Неусыпаемую в молитвах Заступницу / обрете Тя, Непорочная Дево, челове-
ческий род. / Темже, радующеся, поем: / да благословит тварь вся Господа/ и превозносит во вся
веки.

Песнь 9

Ирмос: Ужасеся о сем Небо,/и земли удивйшася концы, / яко Бог явйся человеком

плотски/ и чрево Твое быстъ пространнейшее Небес/ Тем Тя, Богородицу,/ Ангелов и

человек чиноначалия величают.

Яко имущий дерзновение ко Святей Троице, Богоноснии отцы,/ скоро

предварите мйлостию своею всех чтущих всечестную память вашу.

Услышите покаянный глас моления нашего, / да избавимся вашим крепким заступлением

от множества зол и прегрешений.

Исцелите наша недуги и язвы греховный, отцы Богохвальнии, / вам бо свыше дадеся

Благодать врачевати болезни душевныя и телесныя.

Земля Российская ныне ликовствует,/ ублажающи вашу пречестную память, отцы всеславнии, /
темже приимите нашу песнь хвалебную.

Богородичен: Родила еси Безлетнаго Сына, Пречистая, плоть нашу приемшаго,/ кровию
Своею на Кресте омывшаго от грехов падшаго Адама, / умоли убо Спаса нашего

избавити нас от вечныя смерти.

Светилен:

Никтоже может из земнородных изрещй подвигов ваших тяготу / и уразумети

силу данныя вам от Бога благодати, / темже призрите с высоты Небесный,

преподобнии отцы, на нас,/ ищущих вашея благосердныя помощи.

Слава, и ныне, Богородичен:

Немолчно воспеваем Тя, Марие Богоневестная, / ангельскими глаголы величающе:/ радуйся,
Благодатная, Господь с Тобою.

На хвалйтех стихиры на 4, глас 4:

Восхвалим, вернии людие,/ благолепный лик Радонежских чудотворцев,/ добре

и мужественне подвизавшихся на земли,/ и просиявших, яко солнце, /

в Царстве Отца Небеснаго, / и воеприявших благодать присно молйтися за нас.

Приимите прошение наше,/ Богоблаженнии отцы, / умирите вражду всяку в

людех, / в озлоблении сущих,/ оградите нас от злых козней диавольских, /

насадите благую любовь и страх Божий/ в души православных христиан.

Святии отцы Богославнии, / насаждени в дому Господни, / во дворех

Бога нашего процвели есте, / и еще умножися в старости мастите /

добродетелей ваших многотекущая река./ Темже песньми

священными/ вас непрестанно ублажаем.

Воспойте, людие, Господеви песнь нову,/ воспойте Господеви, вся земля,/

яко боголепно Жизнодавец Христос / прославися в душах праведных
отпев,/ вземших на себе благое бремя Его/ и приявших венцы нетленный

вечнаго блаженства.

Слава, глас 8:

О Богоноснии отцы и чудотворцы,/ Радонежския земли дивное сияние!/

Светом любве вашея озарите / души православных христиан, / благочестно

празднующих вашу память,/ предстательствуйте со тщанием ко Святей Троице/

о мире всего мира/ и спасении душ наших.

И ныне, Богородичен:

Владычице, приимй молитвы раб Твоих/ и избави нас/ от всякия нужды

и печали.
Славословие великое и отпуст.

 

                                                               НА ЛИТУРГИИ

Блаженны от канона, песни 3-я и 6-я. Прокимен, глас 7:
Честна пред Господем/ смерть преподобных Его. Стих: Что воздам Господеви о всех,

яже воздаде ми? Апостол к Корйнфяном, зачало 176. Аллилуйя, глас 6: Блажен муж,
бояйся Господа,/ в заповедех Его восхощет зелб. Стих: Сильно на земли будет семя

его. Евангелие от Матфея, зачало 43. Причастен: Радуйтеся, праведнии, о Господе:

Молитва

О преподобнии и Богоноснии отцы наши Сергие, Никоне и вси Радонежстии святйи,

во обители Животворящий Троицы благолепно процветший и в земли Россййстей

преславно возсиявпгаи! Яко лучи многосветлыя Солнца правды, Христа Жизнодавца,

во отечестве нашем вы убо явйстеся, светом благодати Божественный чудесне души

православных озарйвше, наставите убо и вразумите нас, в лености сущих, на путь

правды жизни вечныя. Внемлите гласу моления нашего, да исполним, яко

раби благоразумный, вся поведенная нам Господем нашим Иисусом Христом. И
ныне, в день всесвятыя памяти вашея и прославления во обители сей, молим вас прилежно, святйи
угодницы Божий, наши теплии предстателие пред Престолом Святыя Троицы и ходатаи

усерднии, да испросите нам, грешным и недостойным рабом, велйкия и богатыя

милости Божия, да прийдем вси в познание истины, приносяще плоды достойный
покаяния, ймже обрящем благодать Всесвятаго
Духа.

О добрии наставницы наши и молйтвенницы ко Господу! Неусыпно предстательствуйте

о Церкви нашей, да пребывает присно в чистоте Православия и да свидетельствует непреложно

в мире сем о вечней и Божественней Христовей истине, юже апостоли святйи утвердйша

и отцы Церкве невредйму соблюдоша. Яко имуще дерзновение ко Святей Троице,

неослабно бдите в Небесных молитвах ваших о православием отечестве нашем,
о тишине и благостоянии всего мира, да вси, преуспевающе в вере, благочестно

поживем и сподобимся неосужденно стати одесную Всещедраго Бога, идеже

вы радуетеся и веселйтеся со всеми, от века Ему угодившими. Аминь.

Молитва преподобным схимонахом Кириллу
и Марии, родителем преподобнаго Сергия

О раби Божии, схимонаше Кирилле, схимонахине Марие! Аще и скончали

есте временную жизнь свою телом, но духом не отступаете от нас,
руководствуете же ны ко Христу Богу, наставляете шествовати по заповедей

Господним и носити крест свой и последовати Владыце нашему. Вы,
преподобнии, вкупе с преподобным и Богоносным отцем нашим Сергием,

вашим возлюбленным сыном, имеете дерзновение ко Христу Богу нашему и
ко Святей Его Богоматери. Будите молйтвенницы и ходатаи о нас, недостойных,

жительствующих во святей обители вашей, ей же вы и начальницы. Будите помощницы

и заступницы Богом собранней дружине сей, да жительствующий на месте сем
и приходящий с верою, вашими молитвами сохраняеми, невредйми от бесов и от

человек злых пребудем, славяще Святую Троицу, Отца и Сына
и Святаго Духа, ныне, и присно, и во веки веков.
Аминь.

Назад к списку